Mijozlaringiz to'lov qilish uchun checkout.uz/pay/... ko'rinishidagi havolaga o'tishini xohlamaysizmi? Endi buning iloji bor — Checkout.uz'ning yangi "To'lov sahifasi" funksiyasi yordamida kassangizning to'lov havolalarini to'g'ridan-to'g'ri o'zingizning domeningiz orqali ochishingiz mumkin. Masalan: pay.mysavdo.uz/pay/xxxx.
Nega bu kerak?
Mijoz uchun tanish domen — bu ishonch. To'lov sahifasi o'zingizning brendingiz nomidagi manzilda ochilsa, mijozlaringiz o'zga saytga yo'naltirilganday emas, balki xuddi sizning saytingizda to'lov qilayotganday his qiladi. Bu ayniqsa katta buyurtmalar va yangi mijozlar uchun muhim — tashqi, notanish domen ko'pincha shubha uyg'otadi.
Qanday ishlaydi?
Ulash jarayoni uchta oddiy bosqichdan iborat:
1-bosqich — Domen kiriting. Shaxsiy kabinetingizdagi kassa sozlamalaridan "To'lov sahifasi" bo'limiga o'ting va ulamoqchi bo'lgan domeningizni (yoki subdomeningizni) kiriting.
2-bosqich — DNS yozuvini qo'shing. Domeningiz boshqarilayotgan joyda (Cloudflare, Namecheap va h.k.) bitta yozuv qo'shasiz:
Subdomen uchun (masalan
pay.mysavdo.uz) — CNAME → checkout.uz
Domenning o'zi uchun (masalanmysavdo.uz) — A → 82.24.19.38
Cloudflare kabi proxy yoqilgan bo'lsa ham muammosiz ishlayveradi.
3-bosqich — Kutasiz. Qolgan hammasini tizim o'zi bajaradi: har 2 daqiqada DNS avtomatik tekshiriladi, to'g'ri sozlanishi bilanoq bepul SSL sertifikat olinadi va domeningiz faollashadi — odatda 2-5 daqiqa ichida. Sizdan boshqa hech qanday texnik amal talab qilinmaydi.
Narxi
Har bir domen ulash uchun bir martalik 3 456 so'm to'lanadi (kassa balansidan avtomatik yechiladi). Bitta kassaga ko'pi bilan 10 tagacha domen ulash mumkin.
Dasturchilar uchun
Agar API orqali ishlayotgan bo'lsangiz — xursand bo'lasiz: /create_payment so'roviga javobda endi custom_payment_pages massivi ham qaytadi, unda kassangizga ulangan barcha faol domenlar orqali shu invoysga mos to'lov havolalari tayyor holda keladi. Ya'ni frontendda havolani o'zingiz yig'ib o'tirishingiz shart emas.
Domeningizni ulash uchun kassa sozlamalaridagi "..." → "To'lov sahifasi" bo'limiga o'ting yoki shu yerdan kassalaringizni ko'ring.